Skuvlla-Biehtár Ánneguovttos guoimmuheigga dán jagáš Riddu Riđus.
120 máná serve Riddu Riđu mánáidfestivalii, guđet maiddái oasálastte Skuvlla-Biehtára Ánne workshopii.
Dasa lassin lágidii Troms fylkesbibliotek ovttas Riddu Riđuin bearaščájálmasa: Skuvlla-Biehtára Ánne Talkšovva, mii čájehuvvoi suoidnemánu 10.beaivve.
Uhca Makrealla guolleláddos, Skuvlla-Biehtár Ánne máilmmes, sáhtat oaggut sihke hearvás ja issoras guliid, ja don beasat smáhket senorita Rosalita hásttaleaddji fávorihtta borramuša.
Olbmot besse geahččalit Theodor-Ántte ja Áilo-Vera sámi čábbodat-buktagiid, ja muđuid searvat eará čeabetložžen stohkosiidda.
Čájálmasas lea sámáiduhttin dehálaš, ja sihke Sápmi pássa ja sámi namma juhkkojuvvoi oktain Riddu Riđđu – siidda boazomearkkain.